Nieuws
Kerkproeverij in dialect 10 september 2017
“Komt der maor in...”
Mien’ grootmoeder had dertien kinder. At der dan ok nog anderen aover de vloere waren, dan konnen die ok gewoon anschoeven. Oma zei dan “Wi’j lengt de soep wel an”. In tied luusteren ze naor eure verhalen. Martha en Maria uut de Biebel vertegenwoordigt dizze beide kanten van gastvri’jheid: dienstbaor waen en luusteren. At die beide ingrediënten der bunt, dan krie-j ’t gevuul da-j der mögt waen. Iederene zol dat gevuul wel willen hebben, maor toch kö-j gastvri’jheid ok waer niet afdwingen. Allenig Aornt Peppelenkamp kan dat. Nae, gastvri’jheid vrög ok um grenzen. En daormet is ’t thema ok politiek en van dizze tied. In de soep die wi’j op 10 september opdient, zit een humoristisch verhaal, gedichten, lieder, gebaeden, een aoverwaeging (in de taal van thuus) en is der ok koffie en koeke en een luusterend oor. Wi’j neugt ow. Vuul ow welkom om 10.00 uur in de Remigiuskerk.
De ZWO-commissie en veurganger/praekebuul Netty Hengeveld
Home  |  Fotoalbum  |  Kerktelefoon  |  Archief  |  Links  |  Contact  |  Sitemap